ڈسٹرکٹ ہیلتھ اتھارٹی کے زیر اہتمام ڈینگی بچاؤ آگاہی مہم

اڈیالہ (نامہ نگار)ڈسٹرکٹ ہیلتھ اتھارٹی کے زیر اہتمام ڈینگی سے بچاؤ کے حوالے سے آگاہی مہم کا انعقاد۔ اینٹومولوجسٹ پوٹھوہار ٹاؤن خالد عباس اور ان کی ٹیم نے یونین کونسل دھاماں سیداں کے مختلف مقامات پر واک کی اور بینرز لگائے۔ اس موقع پر شہریوں میں ڈینگی کے حوالے سے پمفلٹ تقسیم کیے گئے اور لوگوں کو ڈینگی کے حوالے سے آگا کیا گیا۔ اور بتایا گیا کہ تمام لوگ گھروں اور دفاتر کی صفائی کا خیال رکھیں اور کہیں بھی بارش کا پانی کھڑا نہ ہونے دیں۔ گھروں کا کاٹھ کباڑ کو ٹھکانے لگائیں۔ ماحول خشک اور صاف رکھنا ہر شہری کا مذہبی اور اخلاقی فریضہ ہے۔ ڈینگی بخار کی شکایت ہونے کی صورت میں فوری ڈاکٹر سے رجوع کریں ۔