مری(نمائندہ خصوصی)معروف ومصروف سیاحتی شاہراہ اپر جھیکا گلی روڈ مری بریڈ اینڈ بٹربیکری کے قریب نشہ میں دھت4 اوباش نوجوانوں نے فائرنگ کرکے مری آئی ہوئیں سیاح فیملیوں کوہراساں کیااورخوف پھیلایا،سیاح فیملیز کی شکایت پر جب سٹی ٹریفک پولیس کے وارڈن نے ان کی گاڑی روکنے کی کوشش کی تووہ گاڑی سمیت جی پی اوچوک مال روڈ مری سے فرارہوگئے جس پر مری پولیس اورسٹی ٹریفک پولیس نے مشترکہ کاروائی کرتے ہوئے ناکہ بندی کرکے چاروں ملزمان کواسلحہ سمیت گرفتارکرلیا،ملزمان نشے کی حالت میں سیاح فیملیوں کے سامنے ہوائی فائرنگ کرتے رہے،مری پولیس نے مقدمہ درج کرکے تحقیقات شروع کردی ہیں۔