اسرائیل کہہ رہا ہے کہ بانی پی ٹی آئی پاور میں ہوئے تو ہمیں فائدہ ہو گا: شرجیل میمن

وزیراطلاعات سندھ شرجیل انعام میمن نے کہا کہ یروشلم پوسٹ کا انکشاف بڑا افسوسناک ہے۔شرجیل انعام میمن نے کہا کہ لندن میئر کے الیکشن میں بانی پی ٹی آئی نے پاکستانی نژاد شہری کے خلاف کمپین کی. بانی پی ٹی آئی کے تانے بانے سامنے آرہے ہیں۔  وزیراطلاعات سندھ نے کہا کہ اسرائیل بانی پی ٹی آئی کیلئے کھل کر کہہ رہا ہے. اسرائیل کہہ رہا ہے کہ بانی پی ٹی آئی پاور میں ہوئے تو ہمیں فائدہ ہو گا۔شرجیل انعام میمن نے کہا کہ خبر سامنے آئی تھی کہ بانی پی ٹی آئی کی کابینہ کے وزیر خفیہ دورے پر اسرائیل گئے تھے. اگر اسرائیل سمجھتا ہے کہ بانی پی ٹی آئی ان کیلئے بہتر ہیں تو قوم کو سوچنا چاہیے. اسرائیل مسلمانوں کی نسل کشی کر رہا ہے۔