سوات:  خیبر پختونخوا کے ضلع سوات میں پولیس موبائل کے قریب ریموٹ کنٹرول دھماکے میں ایک اہلکار شہید تین زخمی ہوگئے۔پولیس ذرائع کے مطابق دہشت گردی کی یہ کارروائی مالم جبہ روڈ پر جہان آباد کے قریب کی گئی . جہاں پر پولیس موبائل کے گزرنے پر ریمورٹ کنٹرول کے ذریعے بم چلایا گیا ، جس سے اہلکار برہان کان شہید ہو گیا جبکہ3 پولیس اہلکار سب انسپکٹر سرزمین، کانسٹیبل امان اللہ اور کانسٹیبل حبیب گل شدید زخمی ہو گئے۔واقعہ کی اطلاع ملنے پر پولیس کی بھاری نفری جائے وقوعہ پر پہنچ گئی جنہوں نے پورے علاقے کو گھیرے میں لے کرسرچ آپریشن شروع کردیا۔پولیس کا مزید کہنا تھا کہ جائے وقوعہ سے شواہد اکٹھے کر لیے.واقعہ کی تمام پہلوؤں سے تحقیقات کررہے ہیں۔ دھماکا وی آئی پی پروٹوکول پر موجود موبائل پر کیا گیا۔