کراچی میں قیام امن کے لیے قانون نافذ کرنے والے اداروں کی کارروائیاں جاری ہیں،،،اس سلسلے میں بنارس میں صبح سویرے رینجرزنے ٹارگٹڈ کارروائیوں میں دس مشتبہ افراد کوحراست میں لے کر مختلف ہتھیار برآمد کرلئے۔ دوسری جانب سپرہائی وے پر سبزی منڈی کے قریب بسم اللہ مارکیٹ کی دکانوں،گوداموں،ہوٹلوں،مسافر خانوں اور اوپری منزلوں پر قائم رہائشی اپارٹمنٹس میں بھی رینجرز نے ٹارگٹیڈ آپریشن کیا۔ رینجرز ذرائع نے بتایا کہ آپریشن کے دوران گیارہ مشتبہ افراد کوحراست میں لیا گیا ہے، علاقے سے مختلف اقسام کے انیس ہتھیاربھی برآمد ہوئے ہیں۔ کورنگی کے علاقوں بلال کالونی اورمہران ٹاؤن میں بھی پولیس نے آپریشن کیا ،،، آپریشن میں پولیس کمانڈوز اورخواتین اہلکاروں کی بڑی تعداد نے حصہ لیا۔