شمالی وزیرستان میں 2 بارودی سرنگ دھماکے‘ ایک سکیورٹی اہلکار شہید‘ 3 زخمی

شمالی وزیرستان(نوائے وقت نیوز) شمالی وزیرستان میں بارودی سرنگ کے دو دھماکوں میں ایک سکیورٹی اہلکار شہید جبکہ تین زخمی ہوگئے۔سرکاری ذرائع کے مطابق پہلا بارودی سرنگ کا دھماکہ تحصیل دتہ خیل کے علاقے دری واستے میں ہوا جس کے نتیجے میں ایک سکیورٹی اہلکار شہید ہوگیا۔اد دھماکے کے نتیجے میں تین سکیورٹی اہلکار زخمی بھی ہوئے جبکہ فورسز کی گاڑی کو بھی جزوی نقصان پہنچا۔بارودی سرنگ کا دوسرا دھماکہ چند گھنٹوں بعد تحصیل میرانشاہ کے علاقے کم سروبی میں ہوا تاہم اس واقعے میں کسی کسی کا کوئی نقصان نہیں ہوا۔پہلے دھماکے میں زخمی ہونے والے سکیورٹی اہلکاروں کو کمبائند ملٹری ہسپتال (سی ایم ایچ) منتقل کردیا گیا۔ دھماکہ اس وقت ہوا جب علاقے میں کرفیو نافذ تھا۔
بارودی سرنگ دھماکے