شاہ جمال: نشئی شو ہر بیوی پر تیزاب انڈیل کر فرار

شاہ جمال(نامہ نگار)شوہر نے خاتون پر تیزاب سے بھری کین انڈیل دی جس سے اس کا جسم جھلس گیا خاتون کی مدعیت میں مقدمہ درج۔ تیزاب سے جھلسی فہمیدہ زوجہ غلام مصطفی عرف مستی نے پو لیس کو اپنے بیان میں بتایا کہ اس کا شوہر نشئی ہے جو اس سے لڑتا جھگڑتا رہتا ہے جس نے چھ روز قبل جھگڑے پر اسے بد ترین تشدد کا نشانہ بنا کر گھر سے نکال دیا چھ روز تک بھتیجے کے گھر رہنے کے بعد اپنے گھر واپس آ ئی اور کپڑے سینے کے لئے کٹائی میں مصروف تھی کہ اس کا شوہر غلام مصطفی عرف مستی گھر آ گیا اسے دیکھتے ہی آ گ بگولہ ہو گیا گالیاں بکنا شروع کر دیں اور کہا کہ میرے گھر کیوں آ ئی ہو تمہیں جان سے مار دو ں گا اور ہاتھ میں پکڑی تیزاب سے بھری کین اس پر انڈیل دی جس سے وہ شدید طور پر جھلس گئی۔ پولیس نے مقدمہ درج کر لیا ۔ملزم فرار ہو گیا۔