برطانوی کھلاڑی آئن رش اور باکسر سپنسر فیرون کی وزیر کھیل پنجاب سے ملاقات

لاہور( سپورٹس رپورٹر ) فٹ بال کے معروف برطانوی کھلاڑی آئن رش اور نامور برطانوی باکسر سپنسر فیرون سمیت 7رکنی وفد نے صوبائی وزیر کھیل وامور نوجوانان رائے تیمور خان بھٹی، سیکرٹری سپورٹس پنجاب ندیم محبوب اور ڈائریکٹر جنرل سپورٹس پنجاب ندیم سرور سے پیر کے روز نیشنل ہاکی سٹیڈیم میں ملاقات کی، وفد میں یائیسہ ریکارڈوسمز، سموئیل جان ڈی لاہائے، کیرول فلومینا انتھونی، راج شاہ، سعد محمد سلیم واڈیا، اور لائزن آفیسر بلال بیگ مرزا شامل تھے، وفد کے سربراہ آئن رش نے گفتگو کرتے ہوئے کہا ہے کہ پاکستان کے نوجوان بہت باصلاحیت ہیں،ان کے ٹیلنٹ کو سامنے لانے کے لئے فٹ بال اور باکسنگ کے فروغ اور ترقی کے لئے پاکستان میں آئن رش اکیڈمی قائم کرنے کے خواہاں ہیں ،سپورٹس بورڈ پنجاب کا وسیع انفراسٹرکچر دیکھ کر خوشی ہوئی ہے ۔