پاک فوج سے اظہار یکجہتی،آرمی کپ 2019کے دلچسپ مقابلے جاری

لاہور (سپورٹس رپورٹر) پاک فوج سے اظہار یکجہتی کے لئے آرمی کپ 2019کے دلچسپ مقابلے جاری ہیں۔گزشتہ رات کھیلے گئے واحد میچ میں پی اے ایف نے راحیل ایف سی پر گولز کی بچھاڑ کردی۔ پی اے ایف کے فاروڈز نے راحیل ایف سی کی دفاعی لائن کو تختہ مشق بنالیا۔ پی اے ایف نے مدمقابل ٹیم کو گیارہ گول سکور کئے جبکہ راحیل ایف سی فاتح ٹیم کی مضبوط دفاعی لائن کی بدولت میچ میں گول کرنے میں ناکام رہی۔فیم فٹ بال کلب کے صدر ضیا عارف ڈوگرکے مطابق ٹورنامنٹ میں آج دو اہم میچز کھیلے جائیں گے۔