مری(نامہ نگار خصوصی ) ریاض الحرمین گروپ کے چیئر مین و موضع مسوٹ کی معروف سیاسی و سماجی شخصیت عمر ایوب میڈیکل کمپلکس بہارہ کہو کے اونر محمد ایوب عباسی اور ان کے بھتیجے تراب عباسی نے حالیہ کورونا وائرس کی وباء کے دوران لاک ڈائون میں الخدمت فائونڈیشن کی شاندار کارکردگی سے متاثر ہو کر جماعت اسلامی میں شمولیت کا اعلان کیا ہے جماعت اسلامی میں باضابطہ شمولیت کا اعلان ا نہوں نے نائب امیر جماعت اسلامی پاکستان لیاقت بلوچ کی موجودگی میں ایک خصوصی اجلاس میں کیا اس موقع پر الخدمت فائونڈیشن ضلع کوہسار کے صدر امتیاز عباسی جماعت اسلامی تحصیل مری کے امیر غلام احمد عباسی الخدمت مری کے صدر عطاء الرحمان عباسی سابق ناظم یو سی دریا گلی عابد عباسی جاوید اکرام اور وقارمنصوری بھی موجود تھے اس موقع پر جماعت اسلامی میں شمولیت اختیار کرنے والی شخصیات نے کہا کہ جماعت اسلامی ملک کی واحد سیاسی ودینی جماعت ہے جوکسی بھی مشکل کی گھڑی میں سیاست سے بالا تر ہو کر حقیقی معنوں میں عوام کی خدمت کرتی ہے جبکہ حالیہ کورونا وائرس سے پیدا شدہ گھمبیر صورت حال پر الخدمت فائونڈیشن کی خدمات مثالی ہیں انھوں نے الخدمت کو ایک لاکھ روپے دینے کا اعلان بھی کیا ہے۔