اسلام آباد(اپنے سٹاف رپورٹر سے)تھانہ کورال کے علاقے لہتراڑ روڈ پر صنم چوک میں زیر تعمیر مکان کے واٹر ٹینک میں دو کمسن سگی بہنوں کی نعشیں ملنے پر علاقے میں کہرام مچ گیاجبکہ بنی گالہ کے علاقے میں فائرنگ کرکے ایک شخص قتل کردیا گیا تھانہ کورال کے علاقے میں سات سالہ بچی شازیہ اور آٹھ ماہ کی بچی تانیہ دختران زمان خان کی نعشیں ملنے کی اطلاع پر پولیس پہنچ گئی اور بچیوں کی میتیں واٹر ٹینکی سے نکالی گئیں تو ورثاء دھاڑیں مار کر رونے لگے پولیس نے تفتیش شروع کردی ہے جبکہ تھانہ بنی گالہ کے علاقے میں نامعلوم افراد نے فائرنگ کرکے ایک شخص کو قتل کردیا اور فرار ہوگئے پولیس نے بتایا کہ مقتول تنویر کی نعش پوسٹمارٹم کیلئے پولی کلینک منتقل کردی گئی ۔