ملتان (سپورٹس ڈیسک )شاہین شاہ آفریدی نے مڈل سیکس کاؤنٹی کے لیے اپنے پہلے ہی میچ میں متاثر کن بائولنگ کا مظاہرہ کیا۔گلیمورگن کے خلاف انہوں نے صرف 35 رنز کے عوض تین کھلاڑیوں کو آؤٹ کیا،مارنس لبوشین بھی شاہین کا ہی شکار بنے،دیگر میچز میں سسیکس کیخلاف ووسٹرشائر کے اظہرعلی 20رنز پر وکٹ گنوا بیٹھے۔گلوسٹر شائر سے میچ میں لنکا شائر کے حسن علی بھی تین شکار کر چکے تھے،کینٹ سے میچ میں ہیمپشائر کے محمد عباس نے آخری خبریں آنے تک ایک وکٹ لی تھی۔