لاہور(سپورٹس رپورٹر)فاسٹ بائولر محمد عامر 2019 کے بعد اب پہلی بار کاونٹی کرکٹ میں ایکشن میں نظر آئیں گے۔ نسیم شاہ کی جگہ محمد عامر گلوسسٹرشائر کی نمائندگی کریں گے، ان کا تین میچز کیلئے کاونٹی سے معاہدہ ہوا ہے۔کاونٹی ترجمان کے مطابق محمد عامر 28 اپریل کو سرے کیخلاف میچ سے اپنا ڈیبیو کریں گے۔محمد عامر نے گلوسٹرشائر کیساتھ معاہدے پر خوشی کا اظہارکیا ہے ۔ کرتے ہوئے کہا ہے کہ کاونٹی کرکٹ کھیلنے کو بے تاب ہوں اور پوری کوشش ہوگی کہ عمدہ کارکردگی دکھا کر توقعات پر پورا اتروں۔ وہ لندن روانہ ہوگئے۔کلب نے اپنے ٹوئٹر اکاؤنٹ پر جاری بیان میں محمد عامر کو گلوسٹر شائر میں خوش آمدید کہا۔یہ بھی کہا گیا کہ محمد عامر کیساتھ معاہدے کا  اعلان کرتے ہوئے خوشی ہو رہی ہے۔محمد عامر اپریل اور مئی میں کاؤنٹی چیمپئن شپ کے تین میچوںکیلئے دستیاب ہوں گے۔