کرکٹ آسٹریلیا کے سابق  ایڈمنسٹریٹر ایلن کرومپٹن چل بسے 

لاہور(سپورٹس ڈیسک )کرکٹ آسٹریلیا کے سابق چیئرمین اور طویل عرصے سے کرکٹ ایڈمنسٹریٹر ایلن کرومپٹن 81 برس کی عمر میں انتقال کر گئے۔کرومپٹن 1992 سے 1995 تک کرکٹ آسٹریلیا کے چیئرمین تھے۔ وہ سڈنی گریڈ کرکٹ میں طویل کیریئر کے بعد اس عہدے پر پہنچے تھے جس کے بعد کرکٹ انتظامیہ میں کئی دہائیوں تک شامل رہے ۔ وہ کرکٹ نیو ساؤتھ ویلز کے چیئرمین تھے اور چیئرمین شپ سے قبل سی اے کے ڈیلیگیٹ تھے۔بورڈ کے رکن کے طور پر، انہوں نے تین غیر ملکی دوروں پر آسٹریلیا کی ٹیسٹ ٹیموں کیلئے ٹیم منیجر کے طور پر بھی کام کیا۔ کرمپٹن کو کرکٹ کیلئے خدمات اور کرکٹ نیو سائوتھ ویلزاور سڈنی یونیورسٹی کرکٹ کلب کی تاحیات رکنیت کیلئے آرڈر آف آسٹریلیا میڈل سے نوازا گیا۔ کرکٹ آسٹریلیا کے موجودہ چیئرمین لچلین ہینڈرسن نے کرمپٹن کو خراج عقیدت پیش کیا۔