نقلی آب زم زم فروخت کرنے والی 12 دکانیں سیل

مکہ مکرمہ (اے پی پی)مکہ مکرمہ میونسپلٹی کے انسپکٹرز نے ریسٹورنٹس، اشیائے خوردونوش فروخت کرنے والی دکانوں اور جنرل سٹورز پر چھاپوں کے دوران نقلی آب زم زم کے  250 کین  ضبط کرتے ہوئے12 دکانیں  سیل کر دیں۔ سعودی خبررساں ادارے کے مطابق مکہ مکرمہ میونسپلٹی کے ماتحت المسفلہ کی بلدیاتی کونسل کی جانب سے جاری بیان میں کہا گیا ہے کہ میونسپلٹی کے انسپکٹرز نے بلدیہ کی حدود میں واقع ریسٹورنٹس ، اشیائے خورونوش فروخت کرنے والے مراکز اور سٹورز پر چھاپے مارے اور متعدد خلاف ورزیوں پر  12 دکانیں سیل کر دیں۔