کراچی (اسپورٹس رپورٹر) پاکستان کے 12 ایتھلیٹس کو انٹرنیشنل اولمپک کمیٹی( آئی او سی)اولمپک سالیڈیریٹی کی جانب سے اسکالر شپ مل گئی۔  یہ اسکالر شپ2024 کی سمر اولمپکس گیمز پیرس کی تیاریوں کے سلسلے میں دی گئی ہے۔ پاکستان اولمپکس ایسوسی ایشن نے ایتھلیٹس کے لیے اسکالر شپ کی درخواست کی تھی۔ اسکالر شپ پروگرام کے تحت ایتھلیٹس کو تیاریوں کے لیے بہترین سہولیات مہیا کی جائیں گی، جس کیلیے ہر ایتھلیٹ کو 650 ڈالرز ( یعنی 1 لاکھ 21 ہزار پاکستانی روپے سے زائد) ماہانہ اسکالرشپ دی جائے گی۔ ذرائع کے مطابق  اسکالر شپ کے لیے منتخب کھلاڑیوں میں ارشد ندیم،ماحور شہزاد،عثمان چاند،گلفام جوزف، انا ابتسام ،کشمالہ طلعت، رسم گل، جہاں آرا نبی، پرنیا زمان خان، محمد نوح دستگیر بٹ شامل ہیں ۔