فیروزوالہ( نامہ نگار) ضمنی الیکشن پی پی 139 انتخابی معرکہ میں کامیابی کی خوشی میں ہزاروں لیگی کارکنوں نے جشن کامیابی منایا اور سینکڑوں کارکنوں نے کوٹ عبدالمالک کی مساجد میں شکرانے کے نوافل ادا کیے۔ لیگی کارکن لاہور روڈ مرکزی انتخابی آفس کوٹ عبدالمالک میں  سینکڑوں کارکنوں نے ڈھول کی تاب پر بھنگڑا بھی ڈالا اور مٹھائی تقسیم کی  اس دوران بھنگرڑا ڈالتے ہوئے زبردست نعرہ بازی کی مبارک باد دینے کیلئے آنیوالے کارکنوں کا مرکزی آفس میں سارا دن سلسلہ جاری رہا ۔نو منتخب رکن رانا افضال حسین نے شہریوں معززین علاقہ اور پارٹی کارکنوں کا شکریہ ادا کیا۔