لاہور(کامرس رپورٹر) سی بی ڈی پنجاب کے اعلیٰ سطح وفد کا سی او او بریگیڈیئر (ر) منصور جنجوعہ کی سربراہی میں کراچی کا اہم دورہ ۔ وفد میں ڈائریکٹر بزنس ڈویلپمنٹ علی وقار شاہ اور ڈائریکٹر آرکیٹیکچر اینڈ پلاننگ سمیر آفتاب سیال شامل تھے۔ وفد نے ایسوسی ایشن آف بلڈرز اینڈ ڈیولپرز آف پاکستان کے زیر اہتمام سیمینار میں حصہ لیا، تقریب میں گورنر سندھ کامران ٹیسوری اور اے بی اے ڈی کے چیئرمین آصف سیم سام، ابراہیم حبیب، سینئر وائس چیئرمین اے بی اے ڈیور محسن شیخانی سمیت دیگر معززین نے شرکت کی۔ سی بی ڈی پنجاب کے سی او او بریگیڈیئر (ر) منصور جنجوعہ کا کہنا تھا 'ہم کاروباری برادری کے سامنے سرمایہ کاری کے بے مثال مواقع پیش کر رہے ہیں۔
انہوںنے سی بی ڈی پنجاب کی آئندہ نیلامی سے متعلق آگاہی فراہم کی، جس میں تین کمرشل اور تین رہائشی پلاٹ نیلام کیے جارہے ہیں۔ انہوں نے کہاسی بی ڈی پنجاب ملک کے سب سے بڑے اور اہم IT ڈسٹرکٹ، نواز شریف IT سٹی کا قیام کر رہا ہے۔ گورنر پنجاب کامران ٹیسوری نے پاکستان کی معیشت کو تقویت دینے میں تعمیراتی صنعت اور آئی ٹی کے شعبے کے اہم کردار پر زور دیا۔