اذلان شاہ ہاکی ٹورنامنٹ:قومی ٹیم کے کھلاڑی مکمل ردھم میں آگئے 

لاہور(سپورٹس رپورٹر)پاکستان ہاکی فیڈریشن کے زیرانتظام سلطان اذلان شاہ کپ ہاکی ٹورنامنٹ کی تیاریوں کے سلسلے میں پاکستان ہاکی ٹیم کا تربیتی کیمپ عبدالستار ایدھی ہاکی اسٹیڈیم کراچی میں جاری ہے۔ ملک بھر سے دستیاب بہترین کھلاڑیوں کو کیمپ میں شامل کیا گیا ہے جو کہ مکمل ردھم میں آگئے ہیں۔ہیڈ کوچ اولمپئن ایاز محمود کے ساتھ کوچز اولمپئن ریحان بٹ اور اولمپئن محمد ثقلین کی نگرانی میں کھلاڑیوں نے گزشتہ روز شام کے اوقات میں معمول کی فزیکل ٹریننگ کے بعد پریکٹس میچ کھیلا جس میں فارورڈز اور ڈیفنڈرز کھلاڑیوں کو اہداف دے کر اپنا بہترین کھیل پیش کرنے کی ہدایات دی گئی تھیں۔