کراچی میں حکومتی دعووں اور اجلاسوں کے باوجود مختلف علاقوں میں پرتشدد واقعات کا سلسلہ اور کشیدگی برقرارہے،ملیرغریب آباد میں ایک شخص کوتشدد کرکے ہلاک کیاگیا، لیاری کے علاقے جہاں آباد میں پینتیس سالہ نوجوان کو اغواء کرکے ہلاک کیا گیا۔ اورنگی ٹاون قصبہ کالونی سے ایک بوری بند لاش ملی ہےجبکہ پرانی سبزی منڈی کے علاقے میں ایک شخص کوگولیاں مارکر قتل کر دیا گیا۔ ایک لاش پاک کالونی کی طرف لیاری ندی سے برامد ہوئی جوکہ چارپانچ دن پرانی بتائی جاتی ہے۔ مرتضی چورنگی کے قریب نامعلوم افراد نے فائرنگ کرکے نوجوان کو قتل کردیا۔