ملتان: ریلوے اہلکار نے زخمی ہونے کے باوجود بیوی کے ساتھ ملکر 2 ڈاکوئوں کو پکڑ لیا

ملتان (کرائم رپورٹر) ریلوے اہلکار نے جان پر کھیل کر مسلح ملزمان کی فائرنگ سے زخمی ہونے کے باوجود اپنی بیوی کے ساتھ ملکر دو ڈاکوؤں کو پکڑ لیا‘ ملزمان کو تشدد کے بعد پولیس کے حوالے کر دیا گیا واضح رہے کہ ریلوے کا سگنل معاون غلام مصطفی اپنی بیوی کے ساتھ ریلوے کالونی میں واقع اپنے گھر سے نکلا تو دو مسلح ڈاکوؤں نے روک کر لوٹ مار کی کوشش کی اس دوران غلام مصطفی اور اس کی بیوی نے دونوں ڈاکوؤں کو پکڑ لیا تو ایک ملزم نے فائرنگ کر کے غلام مصطفی کو زخمی کر دیا مگر انہوں نے ملزموں کو پکڑ کر پولیس کے حوالے کر دیا۔ پولیس نے تفتیش شروع کر دی ہے جبکہ زخمی ریلوے اہلکار کو نشتر منتقل کر دیا گیا ہے۔