لاہور(نمائندہ خصوصی)سی سی پی او لاہور ذوالفقار حمید پولیس  افسران و اہلکاروں کی ویلفیئر میں پیش پیش، پولیس افسر و اہلکاروں میں جہیز فنڈ، سکالر شپ، میڈیکل اسسٹنس کے چیکس تقسیم کر دئیے گئے۔ سی سی پی او لاہور ذوالفقار حمید نے سب انسپکٹر محمد اسلم، سب انسپکٹر حیات خان،سب انسپکٹر شوکت علی، اے ایس آئی غلام قادر، ہیڈ کانسٹیبل محمد اسحاق،ہیڈ کانسٹیبل محمد اظہارالحق، کانسٹیبل شاہد محمود سمیت 12 پولیس افسران و اہلکاروں میں چیکس تقسیم کئے۔ سربراہ لاہور پولیس کا کہنا تھا کہ پینشن کیسز، ڈوری کیسز، سکالرشپ کیسز میں راہنمائی کیلئے فوکل پرسنز لگائے گئے ہیں۔