میرپورخاص (بیورو رپورٹ) یکم محرم الحرام حضرت سیدنا حضرت عمرؓ بن خطاب کے یوم شہادت کے موقع پر عام تعطیل نہ کرنے کے خلاف سنی رابطہ کونسل ضلع میرپورخاص کی جانب سے مدینہ مسجد کے سامنے مدح صحابہ جلوس کا انعقاد کیا گیا جس سے خطاب کرتے ہوئے سنی رابطہ کونسل کے ضلعی صدر قاری عبدالرشید ،ضلعی رہنماء حافظ احتشام الحق ،قاری ارشدجمیل اورعبدالغفورخان نے خطاب کرتے ہوئے کہا کہ سیدنا حضرت عمرؓ بن خطاب عظیم صحابی رسولؐ ہیں جن کو نبی کریمؐ نے اللہ سے مانگا باقی تمام صحابہؓ مراد رسولؐ ہیں حضرت عمرؓ مرید رسولؐ ہیں حضرت عمر  ؓ نے نہری نظام سمیت بہت سارے محکموں کی بنیاد رکھی ہے، سنی رابطہ کونسل گزشتہ 30 سالوں سے سراپا احتجاج ہے۔ اور ہمارا ایک ہی مطالبہ ہے کہ یکم محرم الحرام حضرت سیدنا عمرؓ سمیت تمام خلفاء راشدینؓ کے ایام پر عام تعطیل کا اعلان کیا جائے ۔