مظفرگڑھ(نامہ نگار)مظفرگڑھ میں پولیس مقابلہ‘ایک ڈاکوہلاک ‘ساتھی فرار‘ اسلحہ برآمدتفصیلات کیمطابق سپر نمبر1 کے قریب مشکوک کار سوار افراد کو پولیس موبائل نے روکنے کی کوشش کی،پولیس کیمطابق کار سوار مسلح افراد نے پولیس کو دیکھ کر گاڑی بھگادی،کار سوار افراد نے علی پور روڈ پر گاڑی بھگائی جہاں پیرجہانیاں کے قریب انکا سامنا ناکہ بندی پر موجود ایلیٹ فورس کی موبائل سے ہوگیا،پولیس کیمطابق بعدازاں کار سوار افراد نے علی پور بائی پاس سے سبزی منڈی روڈ پر کار بھگائی،اس دوران ٹبی چوک کے قریب کار سواروں اور پولیس کے مابین فائرنگ کا تبادلہ بھی ہوا جس کے بعد کار بے قابو ہوکر موٹر سائیکل ریڑھے کو ٹکر مار کر درخت سے جاٹکرائی،،پولیس کیمطابق فائرنگ کے تبادلے کے دوران کار میں سوار ایک شخص موقع پر ہلاک ہوگیا جس سے اسلحہ بھی برآمد کرلیا گیا جبکہ کار میں سوار دوسرا مشکوک مسلح شخص فائرنگ کرتے ہوئے فرار ہوگیاپولیس ذرائع کیمطابق یونس نامی شخص کیخلاف درجنوں مقدمات سامنے آگئے ہیں،پولیس ذرائع کیمطابق یونس کیخلاف ملتان،بہاولپور،مظفرگڑھ سمیت کئی اضلاع میں ڈکیتی،راہزنی،ناجائز اسلحہ،چوری سمیت مختلف وارداتوں کے جرم میں 3 درجن سے زائد مقدمات ٹریس ہوچکے ہیں