لاہور (سپورٹس رپورٹر)پاکستان کرکٹ ٹیم کے وائٹ بال سکواڈ کے پری سیزن کیمپ میں کھیلے گئے پریکٹس میچ میں پاکستان گرینز نے  وائٹس کو 85 رنز سے ہرا دیا۔قذافی سٹیڈیم لاہور میں پاکستان گرینز نے 50 اوورز میں 8 وکٹوں پر 333 رنز بنائے، امام الحق نے 143 رنز کی اننگز کھیلی۔خوشدل شاہ نے 53 گیندوں پر 80 جبکہ شاداب خان 51، فخر زمان 24 اور محمد وسیم جونیئر18 رنز کیساتھ نمایاں رہے۔ محمد الیاس اور احمد بشیر نے دو دو کھلاڑیوں کو آؤٹ کیا۔ پاکستان وائٹس 42ویں اوور میں 248 رنز بنا کر آؤٹ ہوگئی۔رضا علی ڈار 68 عمران رندھاوا 56 اور محمد اخلاق 51 رنز کیساتھ نمایاں رہے۔فخر زمان نے 8 رنز دے کر چار جبکہ آغا سلمان نے دو وکٹیں حاصل کیں۔