کراچی(وقائع نگار)قونصل جنرل جاپان کے تعاون سے کراچی پریس کلب کے کارڈ روم کو مکمل ائرکنڈیشن کردیا گیا ہے۔ قونصل جنرل جاپان توشی کازو ایسومورا نے پریس کلب کو سہولیات کی فراہمی کے بعد کارڈ روم کا افتتاح کیا۔صدر کراچی پریس کلب فاضل جمیلی اور سیکریٹری محمد رضوان بھٹی بھی قونصل جنرل جاپان کے ہمراہ تھے۔ قونصل جنرل نے کارڈ روم میں تنصیب کیلئے’’میڈان جاپان‘‘مصنوعات کی فراہمی کو ترجیح دی۔ انہوں نے جاپان کی مشہور کمپنی کے پائیدار ایئرکنڈیشنڈ کارڈ روم میں نصب کروائے ہیں۔ اسی طرح کارڈ روم کیلئے قدآور سائز کی جدید ایل سی ڈی ٹی وی اسکرین فراہم کی گئی ہے۔ قونصل جنرل جاپان توشی کازو ایسومورا نے کارڈ روم کے افتتاح کے بعد ان سہولتوں کی فراہمی پر اطمینان اور خوشی کا اظہار کیا۔ قونصل جنرل جاپان نے کراچی پریس کلب کے دیگر شعبوں کا بھی دورہ کیا۔