راولاکوٹ (نامہ نگار)پاکستان پیپلزپارٹی حلقہ نمبر پانچ پونچھ کا ایک انتہائی اہم اجلاس مورخہ 28اگست بروز اتوار دن گیارہ بجے سرکٹ ہاوس راولاکوٹ میں طلب کر لیاگیا ہے ۔ اس اجلاس میں پاکستان پیپلزپارٹی حلقہ نمبر پانچ کے تمام مرکزی رہنما ، تمام یونین کونسلز کے صدر و جنرل سیکرٹری ، حلقہ کے عہدیداران اور دیگر پاکستان پیپلزپارٹی کے دیرینہ کارکنان اس اجلاس میں ضرور شرکت کریں ۔اس بات کا اعلان پاکستان پیپلزپارٹی حلقہ نمبر پانچ کے صدر ڈاکٹر سردار شیراز خان کے دفتر سے جاری پریس ریلیز میں کیاگیا ۔اجلاس میں آنے والے بلدیاتی انتخابات ، حلقہ کی موجودہ صورت حال اور پارٹی کارکنان کے تحفظات کو دور کرنے کے حوالے سے گفت و شنید کی جائے گی ۔
ایس ڈی ایم برنالہ راجہ عمر طارق کا مختلف د فا تر اور ڈسپینسریز کا دورہ 
مظفرآباد ( نمائندہ خصوصی ) ایس ڈی ایم برنالہ راجہ عمر طارق نے ڈپٹی کمشنر بھمبر مرزا ارشد محمود جرال کے احکامات پر برنالہ کے مختلف مقامات پر محکمہ امور حیوانات کے دفاتر اور ڈسپینسریز کا دورہ کیا اس موقع پر ادویات کے سٹاک، لمپی سکن سے متاثرہ جانوروں کی تعداد ،طبی انتظامات کے حوالے سے خصوصی طور پر جائزہ لیا ایس ڈی ایم نے ہدایت کی کہ حکومتی احکامات کے پیش نظر بیماری پر قابو پانے کے لیے تمام وسائل بروئے کار لائے جائیں اور عملہ اپنی حاضری پوری رکھے،ادویات کا سٹاک ختم نہ ہونے دیاجائے۔
اظہار تعز ےت
میرپور(نمائندہ خصوصی)آزاد کشمیر کے وزیر منصوبہ بندی و ترقیاب وپاور ڈویلپمنٹ آرگنائزیشن چوہدری محمد رشید اور ممبر اسمبلی چوہدری قاسم مجید نے سابق وزیراعظم آزاد کشمیر چوہدری عبد المجید کے سٹاف ممبرعبد القادر کے کزن حاجی عاصم اقبال (مرحوم) کے گھر اسلام گڑھ کھڈورہ جا کرمرحوم کی مغفرت اور ایصال ثواب کے لئے فاتحہ خوانی کی اور سوگوار خاندان سے دلی ہمدردی کا اظہار کیا۔