ننکانہ صاحب(نامہ نگار) پنجاب حکومت اور سیکرٹری بلدیات کی ہدایت پر صوبہ بھر کی طرح ننکانہ صاحب میں ہفتہ ڈینگی مہم کا آغاز کر دیا گیا ہے اس موقعہ پر ڈپٹی کمشنر احمر نائیک کی ہدایت پر ضلع کونسل ہال ننکانہ صاحب میں تقریب کا انعقاد کیا گیا تقریب میں چیف آفیسر ڈسٹرکٹ کونسل ننکانہ ساجد مشرف، چیف افسر میونسپل کمیٹی ننکانہ انوار احمد سمیت ضلع بھر کے مختلف محکموں سے افسروں و ملازمین اور مختلف شعبہ ہائے زندگی سے تعلق رکھنے والے افراد نے کثیر تعداد نے شرکت کی اس موقعہ پر تقریب سے خطاب کرتے چیف افسر ساجد مشرف ودیگر نے کہا کہ ملک بھر میں ڈینگی کی وباء زور پکڑ رہی ہے سیکرٹری بلدیات کی ہدایت پر صوبہ بھر میں 27 اگست تک ہفتہ ڈینگی منایا جارہا ہے اس مہم کے دوران محکمہ بلدیات، محکمہ صحت، ایجوکیشن،سوشل ویلفیئر سمیت دیگر تمام محکمے ڈینگی کی روک تھام کے لئے ہر ممکن اقدامات کریں گے۔