کامونکی:2وارداتیں،2بھائیوں سمیت 5افراد کو لوٹ لیا گیا

کامونکی(نمائندہ خصوصی)ڈکیتی کی دو مختلف وارداتوں میں دو بھائیوں سمیت پانچ افراد کو لوٹ لیا گیا۔ گزشتہ روز دھلے گوجرانوالہ کا زین العابدین اور اْسکا بھائی عتیق احمد اپنے ننھیال موضع مہیساں جارہے تھے کہ راستہ میں ناکہ لگائے تین ڈاکوؤں نے چھیاسی ہزارروپے،تین ہزار ریال،دو تھیلے چاول موٹرسائیکل ،موبائل فونز اور طلائی انگوٹھیاں چھین کر فرار ہوگئے جبکہ راجے والا کا سفیان اپنے دوستوں محمد عثمان اور اْسامہ کے ہمراہ چک وڑائچ جارہا تھا کہ دھنک والی موڑ پر تین ڈاکو اسلحہ کے زور پر اْن سے موٹر سائیکل،آٹھ ہزار سات سو روپے نقدی اور موبائل فونز چھین کر فرار ہو گئے ۔ایمن آباد پولیس نے مقدمات درج کرلیے ہیں۔