سعود شکیل نے بڑے بڑے  قومی بیٹرز کو پیچھے چھوڑ دیا 

 لاہور(سپورٹس رپورٹر)بائیں ہاتھ کے مڈل آرڈر بیٹرسعود شکیل نے 20 ٹیسٹ اننگز کے بعد پاکستانی بیٹرکی جانب سے سب سے زیادہ رنز بنانے کا ریکارڈ توڑ کر تاریخ کی کتابوں میں اپنا نام لکھوا لیا ہے۔ سعود شکیل صرف 20 ٹیسٹ اننگز میں 1,108 رنز بنا چکے ہیں۔ یہ ناقابل یقین کارنامہ 65.17 کی متاثر کن اوسط سے سامنے آیا ہے۔انہوں نے جو ریکارڈ توڑا وہ اس سے قبل سعید احمد کے پاس تھا، جنہوں نے اپنی پہلی 20 ٹیسٹ اننگز میں 54.37 کی اوسط سے 1,033 رنز بنائے جو کہ پاکستان کرکٹ کی تاریخ میں سب سے زیادہ عرصے تک قائم رہا۔