لاہور(سپورٹس رپورٹر)ڈی ایچ اے سپورٹس کمپلیکس لاہور میں کھیلی گئی چار روزہ مکسڈ مارشل آرٹس ایشین چیمپئن شپ میں پاکستان کی ایمان خان اور بانو بٹ نے قازقستان کی حریفوں کو ہرا کر سونے کے تمغے اپنے نام کئے۔جونیئرز فلائی ویٹ کیٹگری میں عبدالمنان اور ذیشان اکبرکو فائنل میں شکست کا سامنا کرنا پڑا۔ تاجکستان اور قازقستان نے سات سات گولڈ میڈل کیساتھ برتری ثابت کی۔بحرین کی ٹیم نے تین گولڈ میڈل جیتے۔ پاکستان اور کرغزستان کے گولڈ میڈلز کی تعداد دو دو رہی۔ پاکستان کے حصے میں چار سلور میڈلز بھی آئے۔