لاہور (نامہ نگار) ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے اقبال ٹاؤن کے علاقے میں ساجد کے گھر میں گھس کر اہلخانہ کو یرغمال بنا کر5 لاکھ 12ہزار روپے مالیت کی نقدی، طلائی زیورات، موبائل فون اور دیگر سامان، سمن آباد کے علاقے میں طیب اور اس کی فیملی سے ساڑھے 4 لاکھ روپے مالیت کی نقدی، طلائی زیورات اور موبائل فون اور دیگر سامان، چوہنگ کے علاقے میں عمر سے91 ہزار روپے نقدی اور موبائل فون، بادامی باغ کے علاقے میں وقار سے 83 ہزار روپے نقدی اور موبائل فون، غازی آباد کے علاقے میں شہزاد سے57 ہزار روپے نقدی اور موبائل فون، ٹاؤن شپ میں اسد سے 34 ہزار روپے نقدی اور موبائل فون جبکہ ہربنس پورہ میں تیمور سے16 ہزار روپے نقدی اور موبائل فون لوٹ لئے۔ چوروں نے گلبرگ، شادمان، ملت پارک اور شاہدرہ کے علاقوں میں سے 4 کاریں، کاہنہ کے علاقے میں سے رکشہ جبکہ لوئرمال، شفیق آباد، مصری شاہ، باغبانپورہ، برکی، ریس کورس، مزنگ، ہنجروال اور رائیونڈ کے علاقوں میں سے 9 موٹر سائیکلیں چوری کر لیں۔