سنجوال کینٹ (نامہ نگار)انسانیت کا عالمی دن 19اگست کے مواقع پر ’’ وزیر اعلی مریم نواز شریف کا پیغام ’’ انسانوں کی خدمت کرنے والوں پر  سلام ’’انسا نیت کی خدمت سنت نبوی ہے اور اللہ تعالی بھی راضی ہو تے ہیں۔ڈپٹی کمشنر اٹک راؤ عاطف رضا کی ہدا یت پر انسانیت کا عالمی دن 19،اگست کے حوالے سے اسفندیاربخاری ہسپتال اٹک میں ایک خصوصی تقر یب منعقد ہوئی۔صدارت ایڈیشنل ڈپٹی کمشنر اٹک انیل سعید نے کی۔جبکہ اے۔سی اٹک  شگفتہ جبین ،میڈیکل سپرنٹینڈنٹ جواد الٰہی اور ڈی۔ڈی سوشل ویلفیئر عارف محمود صدیقی نے بطورِ مہمانِ خصوصی شرکت کی، میزبانی کے فرائض اے ڈی،سوشل ویلفیئر محمد زبیر نے سر انجام دیئے۔مقر رین نے قرآن وسنت،حدیث انسا نیت قدرو قیمت ،قدرو منزلت پر روشنی ڈالی۔ اپنے خطاب میں ایڈیشنل ڈپٹی کمشنر اٹک انیل سعید نے کہاکہ انسانیت عالمی دن کے موقع پر میں’’ انسانوں کی خدمت کرنے والے سماجی اور سرکاری کارکنوں کو سلام پیش کرتا ہوں، بلا تفریق رنگ و نسل انسانیت کا احترام اور خدمت سنت نبوی ہے اور اللہ تعالی بھی راضی ہوتے ہیں۔