پنجاب ٹیچرز یونین مرکز گوجرخان کے نومنتخب عہدیدارن کی تقریب حلف برداری

گوجرخان(نامہ نگار) یو پنجاب ٹیچرز یونین مرکز گوجرخان کے نومنتخب عہدیدارن کی تقریب حلف برداری، تقریب کا اہتمام نومنتخب صدر محمد اسلم گوندل نے کیاپروگرام کی میزبانی کے فرائض پی ڈے اے پنجاب کے بانی و سرپرست اعلیٰ و سابق ڈسٹرکٹ ٹیچر ایجوکیٹر و ماہر تعلیم مبین مرزا سے سر انجام دئے تقریب کی صدارت اگیگا پنجاب ضلع رالپنڈی کے صدر راجہ طاہر کی جبکہ مہمانان خصوصی میں پی ٹی یو ضلع راولپنڈی کے صدر قاضی محمد عمران اور محمد صغیر چھٹہ شامل تھے،خواتین کی نمائندگی میڈم شفقت اور صاعقہ رانی نے کی پروگرام کاآغاز حفظ الرحمان نے تلاوت اور نعت سے کروایا مقررین میں عمر فاروق،محمد بشارت قادری،محمد صغیر چھٹہ،محمد ارشد،امجد منیر بھٹی،ارشد بھٹی،سید انوار شاہ،پروفیسر جمشید علی نے اپنے اپنے خطاب میں مرکز گوجرخان کے صدر محمد اسلم گوندل اور ان کی کابینہ کو مبارک باد پیش کرتے ہوئے اس توقع اظہار کیا کہ وہ اساتدہ برادری کی بلا تفریق خدمت کریں گے، سکولوں کو نجی تحویل میں دے کر نظریہ پاکستان کی جڑ کاٹنے کی مذموم سازش کو اساتذہ کبھی کامیاب نہ ہونے دیں گے اس کے خلاف فوری احتجاجی تحریک شروع کرنے کا اعلان کرتے ہوئے کہا کہ کل سے اساتذہ سکولوں میں بازووں پر سیاہ پٹیاں باندھ کر ایک ہفتے تک علامتی ہڑتال کریں گے پروگرام کا اختتام وطن کی تعمیر و ترقی کی خصوصی دعا اور قومی ترانے کے ساتھ ہوا۔