اسرائیل کی ایک فوجی عدالت نے ان فوجیوں کی نظر بندی میں چار ستمبر تک توسیع کر دی ہے جن پر ایک فلسطینی قیدی کو جنسی زیادتی کا نشانہ بنانے کا الزام ہے لیکن وکیلِ دفاع کو حراست کے متبادل سزا کی درخواست دائر کے لیے اتوار کو سماعت کرنے کی اجازت ہو گی۔
فوج نے واضح کیا کہ ایسے متبادل میں "کام کی جگہ اور مناسب نگران" شامل ہو سکتے ہیں۔اسرائیلی پریس رپورٹس کے مطابق فوجیوں پر جنوبی اسرائیل کے صحرائے نقب میں سدی تیمان حراستی مرکز میں حماس کے اعلیٰ سطحی یونٹ کے ایک رکن کے ساتھ جنسی زیادتی کا الزام ہے۔تشدد سے متعلق اقوامِ متحدہ کے خصوصی نمائندہ نے کہا ہے کہ مبینہ جنسی زیادتی کا معاملہ "خاص طور پر دہشت ناک" ہے اور اس نے اسرائیل کی شہری عدالتوں سے معاملے کی تحقیقات اور مجرمان کا محاسبہ کرنے کا مطالبہ کیا۔اقوامِ متحدہ کو سات اکتوبر 2023 سے زیرِ حراست فلسطینیوں کے خلاف مبینہ تشدد کی متعدد اطلاعات موصول ہوئی ہیں۔غزہ کی پٹی میں صحت کے امور کی نگران وزارتِ کے مطابق غزہ میں 10 ماہ سے جاری لڑائی میں 40,000 سے زیادہ افراد ہلاک ہو چکے ہیں۔