لاہور(سپورٹس رپورٹر) پاکستان انڈر 19 ٹیم عالمی کپ کرکٹ ٹورنامنٹ میں شرکت کے لیے آسٹریلیا پہنچ گئی۔ میگا ایونٹ میں گوہر حفیظ پاکستان انڈر 19 ٹیم کی قیادت کے فرائض انجام دینگے جبکہ دیگر کھلاڑیوں میں احمد شفیق، ارسل شیخ، حسن خان، تابش حسین، حسن محسن، مسعود رضا، محمد عمر، محمد اسد، سیف علی، سیف بدر، سلمان فیاض، سمین گل، شاداب خان، امیر حمزہ (وکٹ کیپر) اور ذیشان ملک شامل ہیں۔ منصور رانا پاکستان انڈر 19 ٹیم کے کوچ جبکہ ندیم خان منیجر کے فرائض انجام دینگے۔ پاکستان ٹیم کو ورلڈ کپ کے پول ڈی میں افغانستان، آئر لینڈ اور سری لنکا کے ساتھ رکھا گیا ہے۔ پاکستان ٹیم اپنا پہلا میچ 13 جنوری کو افغانستان کے خلاف کھیلے گی۔ اس کا دوسرا میچ 16 جنوری کو آئر لینڈ جبکہ تیسرا اور آخری پول میچ 19 جنوری 2018ء کو کھیلا جائیگا۔