لاہور (سپورٹس ڈیسک)پاکستان کرکٹ ٹیم کے سابق کپتان شعیب ملک اور بھارتی ٹینس سٹار ثانیہ مرزا نے نے بالآخر اپنے بیٹے اذہان کی تصویر جاری کر دی ہے۔میڈیارپورٹ کے مطابق شعیب ملک اور بھارتی ٹینس سٹار ثانیہ مرزا کے ہاں رواں سال اکتوبر میں بیٹے کی پیدائش ہوئی تھی۔ثانیہ مرزا اس سے قبل بھی اپنے بیٹے کی جھلک سوشل میڈیا پر اپنے فینز کو دکھا چکی ہیں تاہم یہ پہلا موقع ہے کسی تصویر میں سٹار جوڑی کے سٹار بیٹے کی واضح تصویر سامنے آئی ہے۔ شعیب ملک نے اپنے بیٹے کی تصویر ٹوئٹر پر اپنے مداحوں سے شیئر کی اور ساتھ لکھا کہ تیز ترین لین میں زندگی جینا بھی ایک تفریح ہو سکتی ہے! اب دنیا کو ہیلو کہنے کا وقت ہوا چاہتا ہے۔