لاہور(نمائندہ سپورٹس)پاکستان ہاکی فیڈریشن نے ایف آئی ایچ پرو لیگ کیلئے چھبیس کھلاڑیوں کی فہرست ایف آئی ایچ کو بھجوادی ہے۔ ذرائع کا کہنا ہے کہ کپتان رضوان سینئر، عرفان سینئر، راشد محمود، عمر بھٹہ، تصور عباس اور محمد توثیق کو ٹیم سے ڈراپ کردیا گیا ہے۔ کھلاڑیوں میں تین گول کیپر منیب الرحمان، وقار اور حیدر علی شامل ہیں۔ ایف آئی ایچ کو بھجوائی جانیوالی فہرست میں عماد بٹ، علی مبشر، علی رضوان، تعظیم الحسن، امجد خان اور محمد ابوبکر ،معین شکیل، محمد کمال، محمد مشتاق، عدیل لطیف، محمد یعقوب، سہیل ریاض،محمد عتیق، رانا عبدالرحمان، محمد حماد الدین، ساران، افراز اور شان ارشاد،خیر شاہ، سہیل انجم، علی غضنفر اور جنید منظور شامل ہیں۔ ایونٹ میں پاکستان کا پہلا میچ دو فروری کو ارجنٹائن کے خلاف ہوگا۔