لاہور+ملتان (نمائندہ سپورٹس+سپورٹس رپورٹر) قومی ٹی ٹونٹی کر کٹ ٹورنامنٹ میں لاہور بلیوز اور پشاور ریجن کا سفرتمام ہوگیا۔گزشتہ روز پشاور ریجن نے لاہور بلیوز کو شکست دی لیکن پشاور کی ٹیم خود بھی ایونٹ سے آؤٹ ہوگئی پوائنٹس ٹیبل کے مطابق کراچی کی ٹیم 6میچز میں 4جیت کر 8پوائنٹس کیساتھ پہلے نمبر پر ہے جبکہ راولپنڈی کی ٹیم بھی 6میچوں میں 4میچ جیت کر 8پوائنٹس کیساتھ دوسرے نمبر پر ہے تاہم اس کی ایوریج کم ہے جبکہ لاہور وائٹس کی ٹیم نے 7میچوںمیں4میچ جیت کر 8پوائنٹس کیساتھ تیسرے نمبر ہے ملتان کی ٹیم نے بہترایوریج اور 6پوائنٹس کیساتھ چوتھے نمبرقبضہ کیا ہوا ہے ،فاٹا6پوائنٹس کیساتھ پانچویں ،لاہور بلیوز 6پوائنٹس کیساتھ چھٹے اسلام آباد 4پوائنٹس کیساتھ ساتویں اور پشاور کی ٹیم 4پوائنٹس کیساتھ آٹھویں نمبرپر ہے ۔