فرانس مین سیکڑوں سانتا کلاز کی موٹر سائیکل پر ریلی

پیرس (انٹرنیشنل ڈیسک)پیرس میں سیکڑوں سانتا کلاز موٹر سائیکل پر نکل پڑے، منچلوں نے شہر کی سڑکوں پر گشت کیا۔کرسمس کی آمد آمد ہے اور دْنیا بھر میں جہاں کرسمس کی تیاریاں عروج پر ہیں وہیں ایڈونچر کے شوقین منچلے سانتا کلاز کا روپ دھارے تحائف بانٹنے نکل پڑے ہیں۔ پیرس میں سیکڑوں سانتا کلاز موٹر سائیکل پر نکل پڑے اور شہر کی سڑکوں پر خوب گشت کیا۔امدادی مقاصد کیلئے منعقد کی گئی اس سانتا بائیک پریڈ میں مرد و خواتین سمیت سیکڑوں موٹر سائیکل سواروں نے حصہ لیا اور سانتا کلاز کا روپ دھارے اپنی موٹر سائیکلوں کو سجائے سڑکوں پر پریڈ کی صورت میں نکلے جبکہ یوں سانتا کلاز کو موٹر سائیکل چلاتے دیکھ بچے بڑے سب بیحد خوش ہوئے۔