ہالانی(نوائے وقت)ٹریفک حادثہ میں خواتین سمیت آٹھ افراد زخمی ہوئے،حادثہ قومی شاہراہ پر الطارق پیٹرول پمپ کے قریب پیش آیا جب دو کاریں اور رکشہ میں تصادم کے نتیجہ میں مسمات عائشہ زوجہ پرویز چانڈیو،مسمات شاہین زوجہ محبوب چانڈیو، مسمات عروسہ زوجہ علی گوہر،کلثوم دخترپرویز چانڈیو،انیل ولد محمود چانڈیو،پنکھڑی ،محمد اقبال جٹ ،غلام مصطفی بروہی زخمی ہوئے جنہیں مورو اور نواب شاہ کے اسپتالوں میں داخل کرایا گیا ہے،پولیس کے مطابق زخمیوں کا تعلق گائوں فتح علی پنہور ہے اور وہ مورو اسپتال دوا لینے جارہے تھے کہ حادثہ کا شکار ہوگئے،پولیس مزید تفتیش کررہی ہے۔