لاہور (این این آئی) شہبا زشریف فیملی کے خلاف منی لانڈرنگ ریفرنس کی سماعت کے دوران احتساب عدالت کے جج نے ایک گواہ کو معروف ترک ڈرامے ارطغرل غازی کے کردار سے ملادیا۔ عدالت میں اس وقت دلچسپ صورتحال پیدا ہوگئی جب گواہ نے بار بار سینے پر ہاتھ رکھ کر جواب دینا شروع کیا جس پر جج نے ریمارکس دئیے کہ بار بار سینے پر ہاتھ رکھ کر جواب دیتے ہوئے ارطغرل غازی لگ رہے ہو۔ جج کے ریمارکس پر عدالت میں قہقہے لگے۔