لاہور(نیوزرپورٹر+خصوصی نامہ نگار) لیڈی ایچی سن ہسپتال لاہور میں کرسمس اور قائد اعظم کی پیدائش کے حوالے سے کیک کاٹنے کی تقریب ہوئی۔اس موقع پر ایم ایس لیڈی ایچی سن ہسپتال لاہور ڈاکٹرمحمد اقبال خواجہ کا کہنا تھا کہ قائد اعظم کے سکھائے اصول، تنظیم، اتحاد، یقین پر عمل پیرا ہو کر پاکستان دنیا کے لئے قابل تقلید معاشرہ بن سکتا ہے۔ اس موقع پر ڈاکٹر محمد اقبال خواجہ نے مسیحی برادری کے ہمراہ کرسمس اور قائد اعظم کی پیدائش کے حوالے سے کیک کاٹا۔ اس موقع پرپیرامیڈیکل سٹاف، ایڈمن سٹاف، سینٹری سٹاف نے شرکت کی۔علاوہ ازیںپاکستان مسلم لیگ مینارٹیز ونگ پنجاب کی جانب سے مسلم لیگ ہائوس میں کرسمس کا کیک کاٹنے کی تقریب ہوئی جس میں پاکستان مسلم لیگ پنجاب کے جنرل سیکرٹری سینٹر کامل علی آغا، میاں محمد منیر سابق ایم این اے، انجینئر شہزاد الہٰی صدر مینارٹیز ونگ پنجاب جنرل سیکرٹری جیمس ناز ،عارف کھوکھر ، مسلم لیگ لاہور شعبہ خواتین کی صدر آمنہ الفت سمیت مینارٹیز ونگ کے عہدیداران و کارکنوں کی بڑی تعداد نے شرکت کی ۔