کراچی، آگ کے دوواقعات میں  ماں بیٹی سمیت3خواتین زخمی 

کراچی (نوائے وقت نیوز) کراچی کے علاقے موسی کا لونی مچھلی مارکیٹ میں واقع گھر میں آگ لگنے سے گھر مکمل طور پر جل گیا، آتشزدگی کے نتیجے میں خاتون خانہ جھلس کر شدید زخمی ہوگئی جبکہ عید گاہ کے علاقے میں بھی گھر کے اندر اوون میں آگ لگنے کے نتیجے میں ماں بیٹی جھلس گئی،جن کی حالت تشویشناک بتائی جاتی ہے۔ادھر عید گاہ کے علاقے اولڈ سٹی ایریا اورنگزیب مارکیٹ کے قریب واقع ایک گھر میں امور خانہ داری کے دوران اوون میں آگ بھڑک اٹھی جس کی لپیٹ میں آکر45 سالہ شمیم زوجہ عبدالشکوراور اس کی بیٹی 18 سالہ نمرادختر عبدالشکور آگ سے جھلس کر زخمی ہوگئی۔