سانگلہ ہل(نمائندہ خصوصی)میونسپل کمیٹی کے چیف آفیسر سید سروش اقبال نے کہا ہے کہ شہر بھر سے تجاوزات کا خاتمہ کرنا اور صفائی ستھرائی کو یقینی بنانا میری اولین ترجیحات ہیں،وہ اپنے دفتر میں صحافیوں کے وفد سے خصوصی گفتگو کر رہے تھے، سینٹری انسپکٹر رانا سردار احمد بھی موجود تھے، سید سروش اقبال نے مزید کہاکہ میونسپل کمیٹی سے متعلقہ تمام کام پوری ایمانداری اور خوش اسلوبی سے انجام دیئے جائیں گے اور شہر کو خوبصورت بنانے کیلئے اپنی تمام تر صلاحیتیں بروئے کار لائیں گے۔