بِگ بیش لیگ‘ شاداب خان کامعاہدہ حتمی مراحل میں

اسلام آباد(آئی این پی)قومی کرکٹر شاداب خان بھی آسٹریلوی کرکٹ لیگ بگ بیش کا حصہ بننے کو تیار ہیں۔ذرائع کے مطابق شاداب خان کی بی بی ایل میں معاہدے کے لیے معاملات حتمی مرحلے میں ہیں، معاملات طے پانے پرشاداب خان فوری طور پرآسٹریلیا روانہ ہوجائیں گے۔شاداب خان نے 4 برس قبل ٹیم برسبین ہیٹ کی بی بی ایل میں نمائندگی کی تھی جب کہ اب ان کے برسبین ہیٹ کیساتھ ہی معاملات طے پارہے ہیں، شاداب بی بی ایل کے اختتام تک دستیاب ہوں گے۔خیال رہے کہ اس سے قبل حارث رئوف، محمد حسنین، احمد دانیال اور سید فریدون کے بھی بی بی ایل میں معاہدے ہیں۔