راولپنڈی(جنرل رپورٹر)شہر وچھائونی کے مختلف علاقوں میں بجلی کی غیر اعلانیہ طویل لوڈ شیڈنگ نے گھریلو اور کاروباری زندگی بری طرح متاثر کر دیا ہے ، صدر ، مری روڈ، ڈھوک چراغ دین، ٹاہلی مو ہری، راجہ بازار ، لیاقت باغ ،سیٹلائیٹ ٹاون بی بلاک،اصغر مال سکیم،محلہ جوہر اباد،محلہ مسلم ہائی سکول،کرتارپورہ،بنی محلہ،کرشن پورہ، ایمن آباد سمیت دیگر  علاقوں میں بجلی اچانک بند کر دی جاتی ہے، صبح اور دن کے اوقات میں اچانک بجلی غائب ہو جاتی ہے ،روزانہ کی بنیاد پر دن میں کئی بار بجلی کی آنکھ مچولی رہتی ہے، شہریوں کا کہنا ہے کہ رابطہ کرنے پر متعلقہ عملہ بہانے بناتاہے تعمیراتی کام ہو رہا ہے، حکومت بنیادی سہولتوں کی فراہمی میں کوئی دلچسپی نہیں لی جا رہی، ایک طرف گیس نہیں تو دوسری جانب بجلی نہیں، ارباب اختیار اس طرف توجہ دیں۔