لندن (آئی این پی) آئرش راہبہ اور کانونٹ جیسز اینڈ میری سکول کی سابق پرنسپل سسٹر برکمینز انتقال کرگئیں۔ سسٹر برکمینز کونوے نے جیسز اینڈ میری سکول کراچی، لاہور اور مری میں خدمات انجام دیں۔ ان کا انتقال82 برس کی عمر میں برطانیہ میں ہوا۔ سسٹر برکمینز1951 ءسے پاکستان میں تدریس کے شعبے سے وابستہ تھیں، انہیں ان کی خدمات پر 2012 ءمیں ستارہ قائداعظم ایوارڈ سے نوازا گیا تھا۔ بےنظیر بھٹو، مریم نواز، شیریں مزاری، عاصمہ جہانگیر، حنا جیلانی سسٹر برکمینز کی شاگرد رہیں۔ نوبل انعام یافتہ پاکستانی ماہر طبعیات نرگس ماول والا بھی سسٹر برکمینز کی شاگرد رہیں۔سسٹر برکمینز 1930 ءمیں آئرلینڈ میں پیدا ہوئیں، وہ1951 ءمیں پاکستان منتقل ہوگئی تھیں۔
ٹیچر