لاہور(سپورٹس ڈیسک)بگ بیش لیگ کے دسویں میچ میں میلبورن رینیگیڈز نے برسبین ہیٹ کو 4وکٹوں سے شکست دیدی،وکٹوریہ میں کھیلے گئے لیگ کے 10 ویں میچ میں برسبین ہیٹ نے ٹاس جیت کر پہلے بیٹنگ کرتے ہوئے 8وکٹوں پر 137رنز بنائے،جمی پیرسن نے 45اور میٹ رینشا نے 29رنز کی اننگز کھیلی جبکہ میلبورن کی جانب سے عقیل حسین نے 3وکٹیں حاصل کیں،فاتح ٹیم نے 138رنز کا ہدف آخری اوور میں 6وکٹوں پر مکمل کیا، آندرے رسل نے57 جبکہ عقیل حسین نے 30رنز بنائے۔بربسین کے مائیکل نسیر نے 4اور مارک سٹیک نے 2کھلاڑیوں کو پویلین کی راہ دکھائی۔ آندرے رسل پلیئر آف میچ قرار پائے۔