لاہور(سپورٹس رپورٹر)چیس فیڈریشن آف پاکستان اور اسلام آباد چیمبر آف کامرس اینڈ انڈسٹری کے اشتراک سے یومِ قائد کو پر وقار اور مثبت انداز میں منانے کیلئے قائد اعظم کلاسیکل چیس ٹورنامنٹ کا انعقاد کیا جائے گا۔ ٹورنامنٹ اسلام آباد چیمبر آف کامرس اینڈ انڈسٹری کی مرکزی بلڈنگ واقع G 8/1کے ہال میں 24دسمبر کو شروع ہو کر 25دسمبر کو اختتام پذیر ہوگا۔ ٹورنامنٹ میں ملک بھر سے 80کھلاڑی شریک ہونگے۔ اوپن (انڈر 1800 فیڈے)، خواتین اور انڈر-14کیٹیگری میں منقسم کھلاڑیوں کو 75 ہزارروپے کے نقد انعامات، ٹرافیاں، میڈلز اور سرٹیفکیٹ دیئے جائیں گے۔ فیڈے ریٹڈ اس ٹورنامنٹ میں میچ کا دورانیہ فی کھلاڑی30منٹ 30سیکنڈ اضافے کےساتھ ہوگاسوئس لیگ سسٹم کےساتھ کھیلے جا نے والا مذکورہ ٹورنامنٹ آٹھ راونڈز پر مشتمل ہوگا۔